This post was originally published on this site.
“Handray anjara amin’ny fikarakarana ny fikaonandoham-pirenena ny Collectif du mouvement Gen Z sady hiady hevitra ihany koa”, hoy Rakotondravelo Mihary, filohan’ny Collectif du mouvement Gen Z. Tsy mitazam-potsiny fa mihetsika ireo tanora mivondrona ao amin’ny Collectif du mouvement Gen Z amin’ny fandraisana andraikitra eto amin’ny Firenena amin’izao Fitondrana izao. Nisy ny fihaonan’izy ireo tamin’ny Minisitra misahana ny Fanavaozana, Hanitra Razafimanantsoa, ny sabotsylasateo, teny Mahamasina. Ny fametrahana ny fototra ahafahana miroso amin’ny fikaonandoham-pirenena no teboka voalohany naroso tamin’izy ireo tamin’izany, izay tena mitana ny sain’ny mpanara-baovao satria tokoa miainga amin’io ny ahafahan’ny rehetra mitondra ny hetaheta sy ny zavatra tokony hiova eto amin’ny Firenena. Vonona ary efa manana hevitra sy olona handray anjara amin’io Fikaonandoham-pirenena hatao amin’ity taona ity moa ny Collectif du mouvement Gen Z ary efa miomana ny amin’izany izy ireo. Antony nahatonga ireo tanora ireo nihaona tamin’ny Minisitra, araka ny fanazavana voaray.
Laisser un commentaire